ياصاحبي لاعاد تنشد عـن الحـال

ياصاحبي لاعاد تنشد عـن الحـال
نشدتك عن حالي تزود جروحيـي
لاصار مافي يدك تعديـل الاحـول
مالك ومال همـوم قلـب ينوحـي
انـا لـي ايـام طويـلات وليـال
ادفن جميع جروح روحي بروحـي
الوقت ناره بالحشا تشعـل اشعـال
والحظ لايبصر ولاهـوب يوحـي
العام ضـاق الصدرواليـوم لازال
همي يساقيني غبـوق وصبوحـي
قد قلت لك قدامـي دروب طـوال
وساق على قطع الفيافـي شفوحـي
كانت لي احلام عريضات وامـال
يومـن بـراق السعـادة يلوحـي
ياما ضربت بواقعي نايـف الجـال
ويامابنيت من الامانـي صروحـي
وياما رفعت لبعض الازوال تمثـال
وياما لجل غالي حشمت النبوحـي
واليوم يوم الوقت ياصاحبي مـال
ياقرب هوماتي وياقصـر شوحـي
العمر راح وسود الافكـار تجتـال
تقبل بها هوج الريـاح وتروحـي
قل الجهد من كثر طرد اشهب اللال
ونفسي بعد عافت وقصرت شبوحي
دام الخيال هبـال والواقـع هبـال
وش فايدة ركض قليـل الربوحـي

» زهري حتقد ياصاحبي